Ibinunyag ng alkalde ng Cotabato City na mayroong humigit kumulang 1,000 residente sa Central Mindanao ang umaanib na umano sa international terrorist group na ISIS.
Ayon kay Mayor Japal Gyani Jr., nakaaalarma aniya ito lalo’t patuloy na lumalaki ang kanilang bilang.
Sinasabing may 30 kabataan ang kasalukuyan nang sumasailalim sa pagsasanay sa ilalim ng Ansar Al Khalifah na nagpapakilalang may kaugnayan sa Islamic State.
Gayunman, itinanggi ng Department of National Defense (DND) ang pahayag ng alkalde.
Sa pahayag ng DND, paulit-ulit na sinasabi ng Armed Forces of the Philippines (AFP) na walang presensya ng ISIS sa bansa at ginagamit lamang umano ng grupo ang ISIS para makapaglikom ng pondo.
By Jaymark Dagala