Mas makabubuti umanong ituon ang atensyon ng pamahalaan sa pagtugon sa COVID-19 pandemic at kung papaano maibabangon ang ekonomiya.
Ito ang iginiit ni Sen. Risa Hontiveros kaugnay sa impeachment complaint laban kay Supreme Court Associate Justice Marvic Leonen.
Ani Hontiveros, magsisilbi lang distraction sa mga mambabatas, pamumulitika at pag-aaksaya ng panahon ang isinampang impeachment complaint laban kay Justice Leonen.
Tiyak aniya na hindi ang sambayanang Pilipino ang makikinabang sa isinusulong na impeachment complaint laban kay Justice Leonen.
Kaya naman umapela si Hontiveros sa mga mambabatas na unahin ang tunay na pangangailangan ng taumbayan lalo’t maraming Pilipino ang naapektuhan ang hanapbuhay.
