Arestado matapos magbenta ng pekeng lisensya ang isang empleyado ng Land Transportation Office (LTO) sa Barangay Bukal Sur, Lucena City.
Kinilala ang suspek na si Jose Manalo Campos Jr., 67 taong gulang na nahuli sa entrapment operation na ikinasa ng mga otoridad.
Sa nakuhang impormasyon, inireklamo ng mga biktima ang suspek matapos humingi ng limang libong piso para sa kanilang professional drivers license.
Agad nagkasa ng operasyon ang mga pulis kung saan naaresto ang suspek matapos tanggapin ang boodle money.
Nakakulong na ang suspek sa Candelaria Municipal Police Station at nakatakdang kasuhan. —sa panulat ni Angelica Doctolero