Patay ang isang opisyal ng New People’s Army o NPA matapos makasagupa ng mga rebelde ang mga tauhan ng Philippine Army sa Lagonoy, Camarines Sur.
Kinilala lamang ang nasabing NPA leader bilang Kumander Nicky.
Ayon sa report, nagpapatrulya ang mga sundalo sa lugar nang maka-engkuwentro ang halos 30 miyembro ng NPA sa loob ng mahigit isang oras.
Umatras na umano ang mga rebelde subalit bumalik si Kumander Nicky para kunin ang mga naiwan nilang armas at ito ang naging pagkakataon para mabaril ito ng mga sundalo.
By Judith Larino
