Patay ang isang miyembro ng Abu Sayyaf Group sa ikinasang operasyon ng PNP Anti-Kidnapping Group at iba’t ibang law enforcement agencies sa Zamboanga Sibugay.
Kinilala ni PNP-AKG Director P/Bgen. Jonel Estomo ang napatay na asg member na si Salip Adzhar Alidjam, tubong tungawan at isa sa mga itinuturing na mapanganib sa lugar.
Nabatid na kabilang si Alidjam sa grupo ni ASG Sub – Leader Alhabsi Misaya na siyang nasa likod ng mga kidnapping sa lugar sa mga nakalipas na panahon.
Positibong kinilala ang napatay na si Alidjam ng Indonesian kidnap victim na si Herman Manggak na dinukot nuong 2016 at pinalaya matapos makapaglagak ng P4 milyong ransom.
