Muli na namang naaksidente ang isang bus ng Philtranco makaraang tumagilid ito kaninang umaga sa Tagkawayan, Quezon.
Labing limang (15) pasahero ang naitalang nasugatan na agad namang sinugod sa Ma. Lourdes District Hospital.
Batay sa inisyal na imbestigasyon, nawalan ng kontrol ang dayber ng bus na nakilalang si Philip Baliver habang binabagtas ang Quirino Highway sa barangay Sta. Cecilia.
Matatandaang, nasangkot din sa aksidente kahapon ang dalawang bus ng Philtranco sa kaparehong lugar matapos itong magbanggaan na naging dahilan ng pagkasugat ng dalawampu’t lima (25) katao.
