Patay ang isang kolumista at kasama nito matapos na tambangan sa Arayat, Pampanga kagabi.
Ayon sa Arayat Police, patungo sa Barangay Cacutud si Jupiter Gonzales, kolumnista ng Remate at kasama nitong si Christopher Tiongson nang paulanan ng bala ng hindi pa kilalang mga suspek.
Bumangga ang sasasakyan na minamaneho ni Gonzales sa isang plant box dahilan para mamatay on the spot si Tiongson habang nadala pa sa ospital ang kolumnista na kinalaunan ay binawian din ng buhay.
Kaugnay nito, nagpahayag naman ng pagkondena sa pamamaslang ang Presidential Task Force on Media Security.
Ayon kay Undersecretary Joel Egco, nakipag ugnayan na siya sa Arayat Police para mapabilis ang imbestigasyon sa kaso.
