Inaprubahan na ng mga mambabatas sa England ang pagpapatupad ng isang buwang lockdown dito.
Ito ay matapos bumoto ang mga naturang British lawmakers pabor sa plano ni Prime Minister Boris Johnson para mapigilan ang lalong pagkalat ng COVID-19 sa kanilang bansa.
Alinsunod dito, simula 12:01 ng hating gabi ng Huwebes, oras sa England, ipag-uutos ang mahigpit na pananatili sa loob ng tahanan.
Batay sa tala, nakakapagtala ang United Kingdom ng mahigit 20K na bagong kaso kada araw at ibinabalang posibleng lumagpas sa 80K ang masasawi.