Isa ang nasawi habang nasa 5000 residente ang apektado matapos matupok ang isang 12-storey condominium malapit sa Lucky Chinatown mall sa Binondo, Maynila.
Kinilala ang nasawing biktima na si Patricia saw, residente ng Unit 804, Binondo Terraces sa Alvarado Street, Barangay 292, Zone 28.
Ayon kay Inspector Hector Agadulin ng Manila Fire Protection Bureau, nagsimulang kumalat ang apoy sa isang napabayaaang gas stove sa unit 805 sa ikawalong palapag, dakong alas 11:30 ng umaga.
Umabot sa ika-limang alarma ang sunog bago naapula pasado alas-2:00 ng hapon habang nagdulot ito ng matinding pagsisikip sa daloy ng trapiko traffic sa Plaza San Lorenzo Ruiz at Recto Avenue.
Inaalam na ang halaga ng mga naabo o napinsalang ari-arian sa nasabing sunog.
By Drew Nacino / (Ulat ni Aya Yupangco)
SMW: RPE
