Maaari na uling mag-operate ang Philippine Offshore Gaming Operator (POGO) na Great Empire Gaming and Amusement Corporation.
Ipinasara sila ng Bureau of Internal Revenue (BIR) at Pogo Task Force noong September 25 matapos matuklasang kulang ang ibinabayad nitong buwis.
Sa anunsyo ni BIR Chief Cesar Dulay, nag-alok umano ang Great Empire na magbabayad ng P250-million at mag-iisyu ng post-dated check para sa kanilang balanse hanggang sa December ng taong ito.
Ang Great Empire ay mayroong mga sangay sa Subic, Quezon City at Parañaque kung saan namamasukan ang mahigit sa 8,000 dayuhang empleyado na karaniwang mga Chinese nationals.
