Inanunsyo ni Philippine National Police o PNP Chief, Director General Ronald Dela Rosa na ipatutupad din nila ang mahigpit na seguridad sa Pasko kagaya ng kanilang inilatag noong Undas.
Ito’y makaraang ideklara ni Dela Rosa na pangkalahatang naging mapayapa ang pagdaraos ng Todos Los Santos at Araw ng mga Patay.
Ayon kay Dela Rosa, itataas nila ang full alert status sa Disyembre 24, 25 at 31 hanggang Enero 1, 2018.
Nangangahulugan aniya ito na lahat ng pulis sa bansa ay magdu-duty sa mga nabanggit na araw.
Kung uuwi naman aniya sa lalawigan ang mga pulis, tiyaking magre-report ang mga ito sa pinakamalapit na police station sa kanilang probinsya para mai-deploy.
Partikular na ide-deploy ang mga pulis sa mga lugar na may mataas na kaso ng indiscriminate firing.
