Sumugod sa Camp Crame ang mga kaanak ng mga biktima umano ng extra-judicial killings o EJK’s para magsampa ng reklamo laban sa labinlimang (15) pulis na pumatay umano sa kanilang mga mahal sa buhay.
Hiniling ng mga kaanak na imbestigahan ng Philippine National Police – Internal Affairs Service o PNP – IAS ang pagkamatay nina darwin Hamoy, William Bordeos, Cherwen Polo at isang alyas Rambo na pawang taga – Payatas, Quezon City.
Sinasabing napatay ang apat sa umano’y buy bust operation noong Agosto 14, noong isang taon.
Gayunman, iginiit ng pamilya ng mga biktima na walang naganap na police operation.