Inamin ni ERC o Energy Regulatory Commission Chairperson Jose Vicente Salazar na hindi siya kumportable sa ginagawang internal investigation sa kanilang hanay.
Kasunod na rin ito ng nangyaring pagpapatiwakal ng isa sa kanilang mga direktor na si Francisco Jose Villa Jr. noong Nobyembre ng nakalipas na taon.
Sa ginawang joint hearing ng Committee on Good Government at Committee on Energy sa Kamara, sinabi ni Salazar na ito ang dahilan kaya’t itinigil na nila ang sarili nilang imbestigasyon sa kaso.
Giit pa ni Salazar, may mga gumugulong nang imbestigasyon ang NBI o National Bureau of Investigation kaya’t mas mainam nang ito aniya ang humawak sa nasabing kaso.
By Jaymark Dagala | Report from: Jill Resontoc (Patrol 7)
