Instagram post ni Paolo Ballesteros usap-usapan ngayon

Nagladlad na si Paolo Ballesteros sa kanyang Instagram.

Sa kanyang post kamakailan ay tila kinumpirma na rin nito ang kanyang sexual preference matapos nitong ipost ang larawan ng magkahawak na kamay kung saan makikita ang magkapares na gold couple ring.

Nakakakilig pang caption ng naturang post ay “2nd I Love You” at mayroon pa itong rainbow, heart at kiss icon na nakatag sa username na Roland Ochoa Anog.

Marami ang natuwa sa naging post ni Paolo na tila pagkumpirma na mayroon itong isang masayang relasyon sa isang lalaki ngunit may ilang bumatikos din.

Nakilala si Paolo sa kanyang pagganap bilang bakla at sa kamangha-manghang make-up transformation na itinampok pa sa pelikulang ‘Die Beautiful’ kung saan siya umani ng awards.

By  Rianne Briones

Comments

comments