Nagsalita na ang ina ni Heart Evangelista kaugnay sa kumakalat umanong impormasyon na hiwalay na ang aktres sa Mister nitong si Senator Chiz Escudero.
Ayon kay Cecile Ongpauco, Mommy ni Heart (Love Marie Payawal Ongpauco) , sa tunay na buhay, wala siyang alam kung may problemang namamagitan sa mag-asawa.
Pribadong isyu rin aniya ang nararanasan ng dalawa kaya umaasa siyang magiging okay din ang mga ito.
Samantala, naniniwala ang mommy ni Heart namatured person na si Chiz para sa kaniyang anak.
Nabatid na ilang linggo nang usap-usapan na may pinagdaraanan umanong marital problem sina Heart at Chiz.
Lalo pa itong umingay nang tanggalin ni Heart ang apelyidong “Escudero” sa kanyang instagram handle at naglabas ng youtube vlog kung saan inamin ng aktres na may pinagdadanaan siyang “personal stuff”.
