Sinimulan na ng investigating team ng Bureau of Fire Protection (BFP) ang pagsisiyasat sa sunog na tumupok sa Star City.
Ayon kay Pasay Fire Marshall Supt. Paul Pili, bumisita na sa nasunog na Star City ang grupo.
Una nang lumutang na posibleng sinadya o ‘arson’ ang pagkakasunog sa Star City.
Samantala, ayon management ng Star City, posibleng pumalo sa P1-billion ang halaga ng mga nasunog samantalang nasa P5-million naman ang pagtaya dito ng Department of Trade and Industry (DTI).
