Kulelat sa pinakabagong cabinet member satisfaction survey ng Tangere ang ilang miyembro ng gabinete ni Pangulong Ferdinand Marcos Jr.
Batay sa resulta ng survey, bagsak si Tourism Secretary Christina Frasco na nakakuha ng 43.27%; gayundin sina Environment and Natural Resources Secretary Raphael Lotilla na may 43.32%; at Economy Planning and Development Secretary Arsenio Balisacan na may 43.66%.
Samantala, nangunguna naman sina Education Secretary Sonny Angara na nakakuha ng 52.71%; sinundan ni DSWD Secretary Rex Gatchalian na nakakuha ng 50.92%; Science and Technology Secretary Renato Solidum na may 48.18%; Migrant Workers Secretary Hans Leo Cacdac na may 46.28%; at Agrarian Reform Secretary Conrado Estrella III na nakakuha ng 46.12%.
Isinagawa ang survey sa 1,600 respondents nitong Enero a-siyete hanggang a-diyes mula sa socio-economic classes D at E.
