Pansamantalang isasara bukas sa mga motorista ang ilang kalsada sa Bonifacio Global City (BGC) sa Taguig City.
Ito ay bilang paghahanda sa New Year’s Eve Countdown.
Ayon sa lokal na pamahalaan ng Taguig, tatlong araw isasara ang kahabaan ng 5th Avenue simula bukas ng alas-4:00 ng hapon, December 29 at magtatagal hanggang linggo ng umaga, January 1.
Pinayuhan naman ng LGU ang mga motorista na gamitin bilang alternatibong ruta ang 3rd Avenue at 9th Avenue upang maiwasan ang abala.