Pumalag ang ilang grupo ng mga magsasaka sa bansa kaugnay sa pag-a-angkat ng NFA o National Food Authority ng bigas.
Nakatakda na kasing dumating sa susunod na buwan ang inangkat ng NFA na 250,000 metriko toneladang bigas.
Ayon sa grupong National Federation Peasant Women at Bantay Bigas, sasabay ito sa panahon ng tag ani kung saan ay aabot sa 3.5 milyong metrikong toneladang palay ang maaani ng mga magsasaka.
Sinabi ng mga grupo na kanila itong binebenta sa NFA ng bagsak presyo kahit mataas ang kanilang puhunan sa pagtatanim.
Ngunit masyado umanong mababa ang halagang gusto ng ahensya na nasa 17 hanggang 18 Pesos lamang kada kilo.
Magugunitang ipinabatid ng NFA na kinakailangan ng mag-angkat ng bigas dahil sa ramdam na ang kakulangan ng suplay nito sa maraming lugar sa bansa.
Posted by: Robert Eugenio