Pansamantalang nananatili sa pinakamalapit na paaralan ang humigit kumulang 100 residente sa bayan ng Nabunturan, Davao De Oro.
Bunsod pa rin iyon ng walang patid na mga pag-ulang dala ng Bagyong Vicky na ngayo’y nananalasa sa Visayas at Mindanao.
Kahapon pa lamang, Biyernes ay mayruon nang napaulat na pagguho ng lupa sa Sitio Depot, Brgy. Upper Ulip sa bayan ng Mongkayo.
Sinagip din ng rescue teams ang mga residente sa Bislig City, Surigao Del Sur dahil na rin sa biglaang pagtaas ng tubig baha sa lugar.
