Patuloy ang isinasagawang monitoring ng National Disaster Risk Reduction and Management Council sa pinangangambahang lahar flow sa Legazpi Albay dahil sa dami ng ulan na ibinagsak ng bagyong Tisoy sa Bicol Region.
Gayunman, ayon kay NDRRMC Spokesperson Mark Timbal sakali mang magkaroon ng lahar flow ay hindi na masyadong marami ang maapektuhan dahil sa ipinatupad na forced evacuation bago paman tumama ang bagyo.
Sa ngayon aniya ay tuloy tuloy ang kanilang koordinasyon sa Phivolcs hinggil sa lagay ng bulkang Mayon.
Una ng inalerto ng Phivolcs ang mga komunidad na malapit sa paanan ng bulkang Mayon para sa posibleng banta ng pagdaloy ng lahar.
Ayon kay Phivolcs Director Usec. Renato Solidum maaaring maibaba sa river channels ang post-eruption lahars tulad ng pyroclastic density current material at ashfall na naipon, nang mag alburuto ang bulkan nuong Enero hanggang Marso ng nakaraang taon. —ulat mula kay Jaymark Dagala (Patrol 9)
