Pinalagan at kinwestyon ng kampo ni Senator Ronald “Bato” Dela Rosa ang mga naghahanap sa kanya at pumupuna sa tinatanggap niyang sahod kahit nananatiling absent.
Sa gitna ito ng inilabas umanong arrest warrant ng International Criminal Court laban sa senador sa kasong may kaugnayan sa war on drugs ng Duterte administration.
Ayon kay Atty. Israelito Torreon, legal counsel ni Dela Rosa, personal na kaligtasan na ng mambabatas ang nakataya kaya’t natural lamang na gumawa ito ng paraan.
Magugunitang pinanindigan ni Ombudsman Jesus Crispin Remulla na may arrest warrant na ang ICC para kay Dela Rosa pero hindi pa isinasapubliko ng Tanodbayan.
