Makararanas ng 48 oras na water interruption ang ilang barangay sa Quezon city bukas ng gabi.
Ito’y bunsod ng pagpapalit ng gate valve sa isa sa mga tubo ng Maynilad sa Tandang Sora Avenue sa barangay Talipapa sa Novaliches.
Kabilang sa mga barangay na mawawalan ng tubig ang Apolonio Samson, Baesa, Bahay Toro, Bungad, Damayan, Del Monte, Katipunan, Mariblo, Paltok, Paraiso, San Antonio, Sangandaan, Talipapa, Tandang Sora at Veteran’s Village.
Nabatid na mahigit 30 taon na ang papalitan na valve para sa waterflow control, water supply management at pressure.
By: Meann Tanbio
