Planado na ng pamahalaan ang ilalaang bilang ng doses ng bakuna kontra COVID-19 sa mga kabataang nasa lima hanggang labing isang taong gulang.
Ayon kay chief implementer at Vaccine Czar Carlito Galvez Jr., bibili ang Pilipinas ng karagdagang 20 milyong doses ng Pfizer vaccines kung saan ire-reposition o itatabi na ang 15 milyong doses nito upang maibigay sa nasabing age-group.
Samantala, sinabi ni FDA director general at DOH Undersecretary Eric Domingo na sakaling makuha ng pamahalaan ang Pfizer vaccines para sa mga bata ay agad uumpisahan ang pagbabakuna sa mga ito.—sa panulat ni Airiam Sancho