Tiniyak ng RTVM na ipalalabas ng live at hindi edited ang State of the Nation Address ng Pangulong Rodrigo Duterte.
Ayon kay RTVM Executive Director Demic Pabalan, maliban sa mga telebisyon at radio magkakaruon rin ng live streaming ang SONA sa Facebook at Youtube.
Ginawa ang pagtiyak sa harap ng agam agam sa ginawang editing sa speech ng pangulo sa Jolo, Sulu kung saan tinanggal ang pagbanggit niya sa ABS-CBN habang sinasabi nya ang pagbuwag niya sa oligarchs sa bansa.
Nauna nang ini anunsyo ng PCOO na hindi papasukin sa Batasang Pambansa Complex ang mga miyembro ng media sa SONA ng pangulo maliban sa RTVM.
