Tiniyak ni Pangulong Rodrigo Duterte na makakamtan ng 19-anyos na si Ashley Abad ang hustisya na namatay dahil sa drug overdose habang dumadalo sa isang party sa Sinulog Festival sa Cebu, noong Enero.
Sa kanyang talumpati sa Albay, inihayag ni Pangulong Duterte na mananagot sa batas ang boyfriend ni Ashley na itinuturing nang suspek dahil sa pagtanggi umano nitong makipagtulungan sa imbestigasyon.
Hindi naman naiwasan ng Pangulo na muling batikusin ang Commission of Human Rights (CHR) o kahit anong human rights group dahil sa pananahimik ng mga ito sa issue.
Una nang kinumpirma ng mga awtoridad na ecstasy ang drogang inihalo sa inumin ng biktima batay sa autopsy mula sa Philippine Drug Enforcement Agency (PDEA).
—-
