Patay ang isang babaeng human rights activist matapos pagbabarilin sa Eroeco subdivision sa Barangay Mandalagan sa Bacolod City.
Kinilala ang biktima na si Zara Reboton Alvarez dating campaign and education director ng grupong Karapatan.
Batay sa mga impormasyong nakalap sa ilang saksi, naglalakad si Reboton pauwi sa kaniyang tinutuluyang boarding house nang lapitan siya ng isang lalake at binaril ng ilang beses.
Naglakad umano palayo ang salarin patungo sa naghihintay na kasama sakay ng isang motorsiklo at tumakas na.
Sa ngayon ay patuloy na iniimbestigahan ang motibo sa pamamaril sa biktima.
