Plantsado na ang huling miting de avance ng ilang kandidato sa pagkapangulo at pangalawang pangulo bago magtapos ang panahon ng kampaniya bukas, Mayo 7.
Ala-5:00 ng hapon sa nasabing petsa, isasagawa ni Vice President Jejomar Binay ang kanyang huling miting de avance sa Makati City.
Balik Plaza Miranda naman sa Quiapo, Maynila ang miting de avance ng partido ni Senadora Grace Poe.
Sa nasabing petsa rin sabayang ilalarga ni Davao City Mayor Rodrigo Duterte ang kanyang miting de avance sa Luneta sa Maynila gayundin sa Crocodile Park sa Davao City.
Wala pa namang kumpirmasyon ang kampo nila Liberal Party standard bearer Mar Roxas at tambalang Santiago Marcos kung saan nila isasagawa ang kanilang huling miting de avance.
By Jaymark Dagala
