(Updated)
Binawian na ng buhay ang isang hukom matapos itong pagbabarilin kahapon ng hapon.
Kinilala ang biktimang si Judge Ricky Begino, 49-taong gulang ng Municipal Trial Court sa mga bayan ng San Jose, Lagonoy at Presentacion sa Camarines Sur.
Dakong alas-singko ng hapon nang pagbabarilin ng suspek na kinilalang si Wilfredo Armea ang biktima sa Zone 3 ng barangay Sta. Maria, bayan ng Presentacion.
Nadala pa sa ospital si Begino matapos na magtamo ng tama ng bala sa leeg at katawan ngunit binawian din ito ng buhay habang ginagamot.
Kasalukuyan pang pinaghahanap ng mga awtoridad ang itinuturong suspek sa krimen.
(May Ulat ni Jonathan Andal)
