Nagbabala ang House of Representatives laban sa isang Twitter account na nagpapakalat ng pekeng impormasyon upang maghasik ng panic, takot at kalituhan sa publiko.
Ayon kay House Secretary General Atty. Jose Luis Montales, ang Twitter account ay dating gumagamit ng Twitter handle na @house_files pero ngayon ay nagpalit ito sa @congresista.
Ang pagpapakalat anya ng maling mga impormasyon at malinaw na paglabag sa Bayanihan to Heal as One Act at Cybercrime Prevention Act.
Sinabi ni Montales na nakikipag-ugnayan na sila sa otoridad upang kilalanin ang mga nasa likod ng malisyosong Twitter account at makasuhan ang mga ito.
