Hinihinalang Abu Sayyaf member arestado sa Zamboanga City

Arestado ng mga operatiba ng Philippine Coast Guard o PCG ang isang hinihinalang miyembro ng bandidong Abu Sayyaf sa Zamboanga City kahapon.

Kinilala ni Joint Task Force Zamboanga Commander Col. Leonel Nicolas ang suspek na si Kimhar Asusi alias Abu Kimar na tubong Bawisan, bayan ng Parang sa lalawiga ng Sulu.

Sinasabing nakihalo si Kimar sa mga pasahero mula Sulu na nagtungo sa Zamboanga ngunit nasukol ito makaraang mabigong magpakita ng kanyang ID o identification card.

Isa ang Zamboanga City sa iba pang mga lugar sa Mindanao na mahigpit na nagpapatupad ng no ID, no entry policy kasunod ng pagsasailalim sa kanila sa Martial Law.

By Jaymark Dagala  

Comments

comments