Mahigit 500 miyembro at tagasuporta ng Communist Party of the Philippines, New People’s Army at National Democratic Front ang sumuko sa militar sa Masbate.
Ayon kay Capt. John Paul Belleza, tagapagsalita ng 9th infantry division ng Philippine Army sa Bicol, sumuko ang mga ito sa militar dalawang linggo matapos ang nangyaring pagsabog sa Barangay Anas, Masbate City kung saan nasawi ang football player na si Keith Absalon at pinsan nito.
Ani Belleza, posibleng maraming Masbateño ang nagalit na maging ang mga dati nang rebelde matapos aminin ng NPA na sila ang nasa likod ng pagpapasabog.
Isasailim umano sa ebalwasyon ang mga sumukong rebelde upang matukoy kung sinong kwalipikadong makatanggap ng financial assistance at iba pang tulong para makapag-bagong buhay.
