Umabot na sa mahigit 1,000 ang bilang ng mga na-stranded na pasahero sa mga daungan partikular na sa sorsogon at cebu dahil sa masamang panahon dulot ng bagyong Agaton.
Sa Matnog port sa Sorsogon , nasa 1,000 pasahero ang hindi makaalis matapos suspendihin ng Philippine Coast Guard ang biyahe kaninang umaga para sa mga patungong Visayas.
Halos 300 pasahero naman sa Cebu ang na-stranded nang suspendihin ng local coast guard ang anim na biyahe patungong matnog; Cataingan, Masbate; Ormoc, Leyte; at Camotes Islands.
Isinailalim naman ng lokal na pamahalaan ng Cebu ang kanilang lugar sa “blue alert”, na ang ibig sabihin ay dapat na naka-standby ang lahat ng disaster responding units, Fire Bureau at Kapulisan.—sa panulat ni Airiam Sancho
