Pinatitiyak ng palasyo sa interior department na nasusunod ang itinakdang health protocols sa mga nagsasagawa ng campaign caravans sa iba’t ibang lugar.
Sinabi ni Cabinet Secretary at Acting Presidential Spokesman Karlo Nograles, kung hindi masusunod ang mga ipinatutupad na protocols ng lgus masasayang ang kanilang pagsisikap na maibaba ang kaso ng COVID-19 sa bansa.
Samantala, nanawagan naman ang pamahalaan sa publiko na mag ingat sa pagdalo sa mga caravan upang hindi maging sanhi ng super spreder event ng virus.
Tiyakin aniyang bakunado at protektado laban sa COVID-19.
Dagdag pa ni Nograles na nakabantay naman ang DILG at LGUs para bigyan ng parusa ang mga dapat parusahan na hindi susunod sa health protocols.
Magugunitang, dinumog mga tagasuporta ang magkakasunod na caravan ng ilang presidential aspirant kung nagdulot ito ng mabigat na daloy ng trapiko sa mga motorista.
