Naghihingalo na ang health care utilization rate sa Aklan ayon kay Governor Florencio Miraflores.
Sinabi ni Miraflores na umabot na sa critical level ang health care utilization rate sa kanilang lugar kung saan nasa mahigit 80 percent na ang occupancy rate sa kanilang mga COVID-19 referral center.
Patuloy din aniyang tumataas ang kaso ng COVID-19 sa lalawigan na mayroong 30 percent daily attack rate.
Hinala ni Miraflores, nakapasok na ang delta variant sa probinsya kung kaya’t mayroong mga kaso kung saan halos isang buong pamilya ang positibo sa COVID-19.
