Magtatalaga ng pinuno at commissioners sa Commission on Human Rights (CHR) si Pangulong Ferdinand “Bongbong” Marcos Jr.
Ayon kay Press Secretary Trixie Cruz-Angeles, tugon ito ng Malacañang sa naging panawagan ng CHR na magtalaga ng mga opisyal upang hindi umano ma-downgrade ang international accreditation ng Pilipinas.
Sinabi ni Cruz-Angeles na wala pang eksaktong petsa kung kailan maglalagay ng mga opisyal ang pangulo.
Matatandaan noong Mayo pa nag-retiro ang chairman at apat na commissioners ng CHR dahilan kaya hindi umano makabuo ng en banc ang komisyon.
Iginiit ng komisyon na mahalaga ang appointment ng mga opisyal upang hindi maapektuhan ang international accreditation ngayong taon.
