Tila sampung hakbang paatras ang nangyayari ngayon sa COVID-19 response ng gobyerno.
Ito’y ayon sa grupong Citizens Urgent Response to End o CURE COVID-19 sa muling pagpapatupad ng Enhanced Community Quarantine (ECQ) sa Metro Manila at ilang kalapit na lalawigan.
Sinabi ni Cure COVID-19 Spokesperson Julie Caguiat, na mawawalang saysay lang ulit ang ECQ na ito dahil hindi natutukan ang mga dapat na bigyang pansin tulad ng mass testing at mga hakbang para maibsan ang epekto sa ekonomiya ng pandemya.
Dagdag ni Caguiat mahalaga rin na tingnan ang leadership dahil kung hindi, uulit lang ang mga bagay na hindi na dapat mangayari.
Aniya ngayon ay nangangailang ang bansa ng 130,000 na virus test kada araw ngunit sa kasalukuyan ay 30,000 hanggang 40,000 lamang ang nagagawa ng bansa.
