Umapela sa gobyerno ang mga Pilipinong naka base sa Hong Kong na payagan na silang makabalik dito sa kabila na rin ng travel ban dahil sa corona virus disease 2019 (COVID-19).
Sa pamamagitan ito ng online group na #StrandedPH na nagsimula na ng kanilang petisyon para mapayagang makabiyahe pabalik ng Hong Kong at magpatuloy sa kanilang buhay duon.
Ayon kay Joms Ortega, lider ng #StrandedPH, karapatan nilang bumalik sa itinuturing nilang tahanan at matiyak na hindi pa sila nawawalan ng trabaho.
Magugunitang kasama sa travel ban na ikinasa ng gobyerno ang Hong Kong at maging ang Macau bilang special administrative regions ng China.
