Pumalo na sa mahigit 8,000 ang mga government employees na tinamaan ng coronavirus disease 2019 (COVID-19).
Batay ito sa pinakahuling datos ng Civil Service Commission (CSC) kung saan pinakamarami ang naitala sa mga tanggapan ng pamahalaan sa Metro Manila na umabot na sa 5,751 kaso.
Sinundan ng Central Visayas na mayroong 1,226 at CALABARZON na halos 300 mga empleyado sa gobyerno.
Sinabi ni CSC Commissioner Aileen Lizada, mas ikinababahala nila ag mataas na kaso ng COVID-19 sa Philippine Coast Guard na umabot na sa 631.
Aniya, 485 sa nabanggit na bilang ang gumaling na habang 146 na lamang ang aktibong kaso.
Kaugnay nito, iminumungkahi ni Lizada ang pagbawas sa trabaho ng mga tauhan ng PCG bilang mga tagakuha ng swab sa mga paliparan at ibigay na sa pribado.
