Inatasan na ng Government Task Force ang National Task Force Against COVID-19 na pataasin ang availability ng bed capacity sa Metro Manila maging sa mga lalawigang sakop nito kabilang na ang Bulacan, Cavite, Laguna, at Rizal.
Kasunod ito ng mga napunong ICU beds sa ilang mga ospital partikular na sa Philippine General Hospital (PGH) dahil sa dami ng mga pasyenteng na-admit matapos makaranas ng sintomas ng COVID-19.
Ayon kay Acting Presidential Spokesperson at Cabinet Secretary Karlo Nograles, tumaas ang hospital utilization rate sa bansa, partikular sa NCR-plus areas makaraang ibalik ang Alert level 3 na tatagal hanggang January 15.
Sa ngayon 1,100 o 52% nang nagamit ang mga kama sa ICU; 4,700 o 50% sa isolation bed; 4,600 o 65% sa ward bed habang 1000 o 26% naman ang nagamit nang ventilator. —sa panulat ni Angelica Doctolero
