Palalawigin ng gobyerno ang special vaccination days ngayong buwan para mapataas pa ang COVID-19 inoculation sa ilang rehiyon na may mababang vaccination coverage.
Ayon kay National Vaccination Operations Center (NVOC) Chairperson Dr. Myrna Cabotaje, matutukoy nito kung anong mga lugar ang nangangailangan ng “espesyal na tulong” sa pagtugon sa kanilang pagbabakuna laban sa nasabing sakit.
Una nang sinimulan ng Department of Health (DOH) ang naturang special vaccination days sa Cebu province, Davao region at Cotabato City mula March 29 hanggang 31 habang March 30 hanggang April 1 sa Bangsamoro Autonoumous Region in Muslim Mindanao (BARMM). – sa panulat ni Airiam Sancho