Sinimulan na ngayong araw ng Office of the Vice President (OVP) ang kanilang Libreng Sakay Program.
Pinangunahan ni Vice President Sara Duterte, kasama si Department of Transportation (DOTR) Secretary Jaime Bautista sa Parañaque Integrated Terminal Exchange (PITX) ang seremonya na hudyat ng paguumpisa ng naturang programa.
Nabatid na isa sa mga bahagi ng programa ang limang bus ang inilaan ng OVP para maghandog ng libreng sakay, kung saan dalawa rito ang magiging parte ng Edsa Bus Carousel, isa sa Davao City, isa sa Cebu City, at isa rin Bacolod City.
Sinabi naman Vice Presidential Spokesperson Atty. Reynold Munsayac na manggagaling sa pribadong sektor ang pondo para sa kanilang Libreng Sakay Program.
