Hinikayat ng National Democratic Front of the Philippines (NDFP) ang pamahalaan na tanggalin ang lahat ng hadlang para maipagpatuloy ang peace talks.
Posisyon ito ni NDF Founding Chairman Jose Maria Sison sa harap ng go signal na ibinigay ng Pangulong Rodrigo Duterte sa pagpapatuloy ng peace talks sa komunistang grupo.
Tinukoy ni Sison ang petisyon ng Department of Justice sa korte na ideklarang teroristang grupo ang NPA, ang armed group ng CPP-NDF.
Magiging problema aniya ito dahil hindi makakalahok sa pag-uusap ang kanilang mga consultants tulad ng mag-asawang Benito at Wilma Tiamzon.
Matatandaan na ipinaaaresto na ng pamahalaan ang mga NDF consultant matapos suspendihin ng Pangulong Duterte ang peace talks sa komunistang grupo.
—-
