Engage na ang actress-singer na si Glaiza De Castro sa kanyang Irish boyfriend na si David Rainey.
Inanunsyo mismo ito ni Glaiza sa kanyang instagram account sa pamamagitan ng pagbabahagi ng kanyang larawan suot ang engagement ring.
Ayon kay Glaiza, hindi niya lubos maisip na sasagot siya ng “yes” sa napakalamig na panahon, pero iyon pa rin aniya ang pinakamasayang pakiramdam.
Nitong Disyembre lamang dumating ng Ireland si Glaiza para makipagkita sa kanyang Irish boyfriend na matagal niya ring hindi nakita dahil sa pandemiya.
Noong nakaraang Setyembre, ipinagdiwang ng magkasintahan ang kanilang anibersaryo kung saan sinopresa ni David si Glaiza ng isang malaking unan na mayroong mukha nito bilang regalo.
