Tutol si House Committee on Public Order and Safety Chairman at Antipolo Representative Romeo Acop sa paraan ng ginawang pagdi-disiplina ni Philippine National Police (PNP) Chief Ronald ‘Bato’ dela Rosa sa mga pulis-Pampanga na sangkot sa katiwalian.
Ito ay matapos sabunin, murahin at pinag-push up pa ni Dela Rosa ang mga nagkasalang pulis.
Sa panayam ng DWIZ, sinabi ni Acop na bagamat may pagkakasala, hindi aniya tamang hiyain at parusahan ang mga pulis sa harap ng publiko lalo na sa harap ng media.
“Meron naman silang dignidad, ang turo po sa amin kung tao mo ang nagkasala at pagagalitan mo, you do it inside the office.” Ani Acop
Bilang dati ring opisyal ng PNP, inamin ni Acop na kanyang binubugbog ang mga tiwaling pulis.
Bahagi aniya ito ng kanyang pagdidisiplina ngunit ito ay kanyang ginagawa nang pribado.
“Noong ako ay commander, I ask the person, ilagay ba natin sa papel ito, kung ilalagay natin sa papel madi-dismiss ka o kaya ay 30 minutos ka dito sa aking opisina.” Pahayag ni Acop
By Ralph Obina | DWIZ Interview
