Suspendido pa rin ngayong araw ang klase sa ilang lugar sa bansa, dahil sa pag-ulang dulot ng Low Pressure Area (LPA) at Northeast monsoon o amihan.
Ang mga lugar na nagkansela ng klase ngayong araw ay ang Bulacan, kung saan walang pasok sa lahat ng level pampubliko at pribado sa; Angat, Baliwag, Bulakan, City of Malolos, Doña Remedios Trinidad, Hagonoy, Norzagaray, San Ildefonso.
Wala ring pasok sa Marilao, elementarya at high school at Sta. Maria, pre-school at senior high school.
Sa Laguna, ang mga lugar na walang pasok sa lahat ng lebel ay ang Calamba City, Paete, Santa Maria, Siniloan at Famy (walang pasok maging sa trabaho)
Ang Taytay naman ang walang pasok ngayong araw sa Rizal, Brooke’s Point sa Palawan at Municipality of Rizal sa Nueva Ecija.
