Hindi napigilan ni Davao City Mayor Sara Duterte-Carpio na magbiro sa social media.
Ito ay makaraang makatanggap ang Presidential Daughter ng text message mula sa kanyang kaibigan na kapwa sila nasa iisang hotel ni Sen. Antionio Trillanes.
Sa post ni Mayor Inday, kaniyang sinagot ang kaibigan na isang magandang pagkakataong magkasama sila sa iisang hotel ng Senador kaya’t pabiro nitong sinabi na siya na ang bibira at nanghiram pa ng martilyo.
Hindi naman nabanggit ni Mayor Inday kung saang partikular na hotel sila nagkataong nagkasabay ni Trillanes at kung nagkita sila.
Magugunitang idinadawit ni Trillanes ang asawa ni Mayor na si Atty. Mans Carpio sa mahigit 6 na bilyong Pisong shabu shipment at tara system sa Bureau of Customs.
SMW: RPE
