Mararamdaman ang pagbaba ng unemployment rate sa pagsapit ng 2024.
Ito ang inihayag ni Socioeconomic Planning Secretary Arsenio Balisacan sa Senate Finance Committee na mapapako sa 5 % hangang 5.3 % ang unemployment rate pagdating ng 2024.
Naitala ang unemployment rate sa bansa noong 2018 sa 5.3 % at 5.1 % naman noong 2019.
Pumalo naman ito sa 10.3 % noong 2020 dahil sa kabilaang lockdown at bumaba naman ito sa 7.8% noong nakaraang taon.
Batay sa datos ng Development Budget Coordination Committee (DBCC), inaasahan namang maglalaro sa 5.1 % hangang 6.5 % ang unemployment rate sa bansa ngayong taon; 5.7 % hanggang 5.8 % sa 2023; 5 % hanggang 5.3 % sa 2024 at 5.5 % hanggang 5.8 % sa 2025.
Mababatid naman na umabot sa 5.2 % ang unemployment rate sa bansa nitong July 2022 batay naman sa datos ng Philippine Statistics Authority (PSA). - sa panunulat ni Hannah Oledan
