Mariing tinutulan ni Gabriela Women’s Party Rep. Arlene Brosas ang panukalang batas na House bill 10306 na naglalayong palawigin ang prangkisa at pribilehiyo ng MORE Electric Power Corporation.
Ayon kay Brosas, taliwas ito sa matagal nang panawagan ng mga taga-Iloilo na ilagay sa kamay ng people’s cooperative at i-nationalize ang paghahatid ng suplay ng kuryente sa kanilang probinsya para gawing efficient at mura ang electric power services.
Giit ni Brosas, sa ilalim ng MORE Electric Power Corp., madalas pa rin ang brownouts sa Iloilo City, at bagama’t aniyay may pagpapanggap ng lowering ng power rates, naka-direksyon pa rin ito sa monopolyo sa power sector sa buong Panay.
Matatandaang noong February 14, 2019 nilagdaan ni Pangulong Duterte sa ilalim ng Republic Act No. 11212 ang dalawamput limang taong prangkisa ng MORE Electric Power Corporation. —sa ulat ni Tina Nolasco (Patrol 11)