Inaasahang malalaman na sa mga susunod na araw ang kukumpleto sa gabinete ni incoming President Ferdinand “Bongbong” Marcos Jr.
Ayon kay Marcos, lalo pang nabawasan ang mga pangalan na kabilang sa kanyang shortlist at patuloy sila sa pag-proseso ng mga mapapabilang sa kanyang administrasyon.
Sinabi pa nito na nais niyang mabuo ang kanyang Gabinete bago ang kanyang inagurasyon sa Hunyo a-30.
Sa ngayon ay hindi pa pinapangalanan ni PBBM kung sino ang mangangasiwa sa ilang Departamento tulad ng Department of Health, Department of Energy, at Department of Transportation at Department of Environment and Natural Resources.
